احساس على الطريق
عن الشرود والاغتراب
كل يوم في معاد معين بعد الشغل بقف لمدة طويلة استنى الباص، ولكن النهاردة ادركت شعور إني بقالي فترة في حالة انتظار
مع إني مش في حالة انتظار اصلًا، مش بستنى حد ولا شئ ولا حتى عندي توقعات وخطط لبكرا لكن ليه دايمًا الشعور ده مسيطر عليا؟
بحس اني بشوف نفسي من برا جسمي، والحاجات اللي بتحصل حوليا قد تكون مش حقيقة،بدخل في حالة ثبات، الناس كلها بتتحرك وانا ثابتة في مكاني، افكاري هى بس اللي بتتحرك ولكن في مكان تاني بره عني،
لما بفوق من الحالة دي وارجع للواقع، بحس بتقل وحزن عميق حتى بيبان على صوتي ونظرة عنيا. انا صحيح مش مستنية حاجه من حد، لكن دايمًا بحس اني متأجلة.
هل فيه حد بيحس زي؟