تأملات وذكريات

العنوان ثابت… لكن اللي ساكن جواه اتغير

من فترة كنت في ساقية الصاوي

وعشان الطريق كان زحمة نزلت بعيد شويه عن المكان، اتمشيت مسافة صغيرة،وساعتها لفت انتباهي إن الجراج اللي اتصور فيه فيلم “مستر كارتيه”، بقى هو نفسه “ساقية الصاوي” تحت كوبري 15 مايو!

وحسيت قد إيه الاماكن بتتغير، زي ما احنا كمان بنتغير، أوقات كتير بشوف صوري القديمة واقول انا مين دي مش أنا، دي واحدة شبهي، وساعات تانية بقول ما انا كنت زي الفل، إيه اللي خلاني اتغير، كان ناقصنى إيه؟

عنواني واسمى زي ما هما لحد دلوقتي،

العنوان ثابت… لكن اللي ساكن جواه اتغير.